Pal Sokoli - Shtatë poezi

VARG NE YLBER

Mos mu fsheh pas shokzash qe diellin mbajnë
E pranverën e njomur mbeshtjellë e kanë.

E shihni atë gjakzën e kuqe n'bajrak

Unë, unë e kam mbushur më gjak.

E jetë jete, të njomë i dhash
Ti gjarpërushi eger ma pi ngapak.

Nëpër lavra nëntoke ke bërë jetë
Tani n'metropole po mëson me ecë.

Te kam ruajtur si fis nën prag
Futu në lavrën tënde se të vras në varg..

Wuppertal, 04.02.15



NË KËSHTJELLËN AMBRAR
(Emri i Muzeut ku mbahet shpata e Gjergj Kastriotit në Vjenë)

A nuk të vjen keq për mua

si po më pikon plaga
kur putha brigjet e Durrahut
Epidau me tregoj gurët ilir
unë ti bekova herakët tuaj
e tani me pickon ithtë
pakëz në Mazgit
pakëz në Gazimestan
me nje Sol e solfezh
mu(t)tantët luajnë me hënën
e ti shpatë e dashur
më rri e varur këtu në Ambrar
"Maria Theresien Platz"
Ti do shpatullat e Gjergjit
ose tehun e ri.



DRITHMË AZEMSHKRELIANE

Si zog qielli qajë ajrin 

Me aeroplan 
Ftohtë mbi Alpe
Ftohtë nën Alpe
Ftohtë mbi ballkaninë
Ngrohtë ne Prishtinë.

Me dhimbset liria e shqipes 
Se do ja deshiroja
Fluturimin nje drejtimësh.

I frigohem hapit të parë
Azemshkrelian në Aeroportin
"Adem Jashari" në Prishtinë
Mos ma zgjon djallin e fjetur
Ftohtë Dardaneleve 
Ftohtë mbi ballkaninë
Ngrohtë në Dukagjin.

Drithmë është hapi im i kthimit 
Kur i shpetova hapit të parë.

Prishtinë, 23.01.2015



ETHE
 
Vdes kur hy
Vdes kur ik
Te shtrova me gjak
Mu bërë thikë ...

Vdes kur besoj
Vdes kur këndoj...

Një epitaf të ri
Lexova te varret;

"Është thyer Ferri
Na morën mëkatarët".©ps

Wuppertal, 09.01.2015 



DRITË E AMSHUAR

Më erdhe me diell në ballë
Rreze rreze, valë e valë...

Desh u bëra bronz në pritje...
E nuk më mbeti fjalë
As për poezi
As kurtuazi...
Gjeometaforat e mia
I mblodhi nje lum i degdisur
Flutura u bënë
E gurgullimë poetike
Dhomave të errëta
Të muzëfjeturave
Unë mora buzët zjarr
Pulsin e rrebeluar
në dorën e majt
Dhe fillova pikturimin
E dritës së amshuar
Në fletën virgjinë të jetës..

Më erdhe me diell në ballë
Rreze rreze, valë e valë...

Nëntor 2013

  

NË KËRKIM

shpalosë  flamujt e çdo varri;

veshmbathje
gur, kryqe
dhe  eshtrat  e  varrosur
anëkënd   Kosoves
humbas  një  Pal
qe  vrapon  pas  jush
gjerë  në  përqafimet
e  mbetura  përgjysmë
atëherë  kur  pashpresët
na  ndanë  medalonin 
e   pikturuar                                                            
me  peisazhe  femijërie
që  do  t´i  mbaj  tërë  jeten
varur  në  qafë
kujtim  lavdie   per  Ju.



KERTHIZOMANIJA

Lufta  nuk  kishte  perfunduar,
binave  u  vije  erë  flliqtije
e  prap  luftohet
per ti  riokupuar
me milimetra  maten..
per tu nda  pool..pozicionet
e eksponatëve, muskujve,
kerthizave, kerthucave
gjoksave   koklakuriqve,
era  e  flliqët  e bines
nuk  pengon  njeri....
...era..... qe se ndien,
eren...
...........
Në  mes  të  veres  merdhir
nga  ekspozime  patriotike
te kokave gjoksave
dhe kerthizave  lakuriqe
aty  kurr nuk kishte
shperthen   pra   shk..erdhen
Patriotizmi   lakuriq.

Korrik 2000.Gjakovë