Shqiptari që pretendon se ka bërë zbulim për Nobel

Bateritë e së ardhmes do të jenë shumë më jetëgjata, me kosto më të lirë dhe pa përmbajtje ndotëse për ambientin. Kjo do të ndodhë nëse jetësohet zbulimi i shqiptarit nga Kosova me vendbanim në Kroaci, Naser Rahmonaj, i cili thotë se me zbulimin e tij pretendon edhe Çmimin Nobel.

Ka bërë një zbulim që beson se do të jetë revolucionar për ndriçimin, pasi kostoja e tij është fare e vogël, ndërsa jetëgjatësia e baterisë shumë më e madhe se sa ato standardet. Naser Rahmonaj, nga Kosuriqi  i Pejës, që deri në vitin 1991 kishte shërbyer në ushtrinë ish-Jugosllave, si teknik aviacioni, thotë se kombinimi i telave të bakrit, magnezit dhe ujit të kripur, mundësojnë prodhimin e një baterie ie cila mund të qëndrojë deri në gjashtë muaj.

Naser Rrahmonaj zbulimin e tij tanimë e ka vënë në  jetë, duke ndriçuar kishën Foshka e Shenjtë në fshatin Batvaçi të Istrisë në Kroaci. Nëse zbulimi i Rahmonajt  matrializohet dhe vihet  në jetë duke e shndërruar në prodhim industrial, atëherë bateritë që ne sot përdorim, do t’i përkasin të kaluarës. Bateritë e Rahmonajt, nuk ndotin ambientin dhe mund të jenë në funksion për të gjitha shërbimet sikurse bateritë standarde që ne sot përdorim. E më e rëndësishmja e  gjithë kësaj, ato janë edhe me jetëgjatësi më të madhe se sa bateritë aktualete.

“Bateritë e tanishme nëse i përdorni në një ndriçues xhepi të 4.5 voltëve do t’u ndriçojnë 4 orë pa ndërprerë me intensitet të njëjtë. E njëjta bateri që unë kam zbuluar do të ndriçonte 10 ditë pa ndërprerë”, thotë Rahmonaj në një bisedë për IP Magazinë.

Edhe më të vlefshme dhe premtuese, këtë lloj baterie e bënë kostoja e lirë e prodhimit. Ai thotë se mund të duket qesharake, por për ta ndriçuar një objekt nuk nevojitet më shumë se sa disa tela bakri, pak magnez nga hedhurinat dhe ujë të kripur. Rahmonaj tregon se ka pasur disa kontakte me kompani të cilat do të mund ta çonin përpara zbulimin e tij, ndërsa patentën thotë se do t’ia falë njerëzimit. Nuk është fare modest kur thotë se por synim ka edhe çmimin Nobel.

 

Dua ta ndriçojë Kosovën

Përveç Kroacisë, atje ku tashmë prej vitesh ndërton të ardhmen e tij dhe të familjes, Rahmonaj shpreh dëshirë që zbulimin e tij ta funksionalizojë edhe në Kosovë. Siç shprehet ai,“Dua ta ndriçojë Kosovën”. “Do të dëshiroja që qeveria të më jepte dritë të gjelbër, që të hapja një fabrikë ku përveç të tjerash do të punësoheshin njerëz të cilët do të prodhonin një produkt që do të eksportohej në tërë botën”.

Nëse institucionet, qofshin ato kroate apo kosovare, nuk interesohen për zbulimin e inovatorit Rahmonaj, kjo nuk do ta dekurajojë për ta çuar përpara atë për të cilën ai beson se është e
ardhmja e baterive. Planifikon, që të paktën me vetiniciativë, të ndriçojë rrugën e lagjen ku jeton, që ky të ishte një shembull i cili do të mund t’i bindte skeptikët, se ajo për të cilën ai po flet është një e
vërtetë e pamohueshme.

 

Kërkues i apasionuar shkencorë

Naser Rrahmonaj që nga viti 1991 e ka lënë punën e ushtarakut dhe i ështe përkushtuar shpirtërisht fushës së studimeve dhe kërkimeve shkencore. Puna e tij vetmohuese ka sjelle edhe rezultate te kënaqeshme. Kësisoj, ai pas një përkushtimi profesional ka bërë një mori zbulimesh të cilat kanë zgjuar edhe inbteresimin e qarqeve te ndryshme shkencore dhe mjeteve te informimit. Njëri nga zbulimet qe ka bere bujë te madhe ishte edhe ai për formën e ndërtimit të amortizerit magnetik. Ky zbulim i kërkuesit shkencorë Naser Rrahmonaj mund ti shërbej shumë industrisë automobilistike. Prandaj, prodhuesit e automobileve veç kanë filluar të interesohen për zbulimin e radhës të shkencëtarit me prejardhje nga Kosova, Naser Rrahmonaj, i cili është duke pritur marrjën e patentës edhe për këtë zbulim mjaft të rëndësishëm.

Huazuar nga reporteri.net.

Sqarim: Mestitujt dhe pasuesi i fundit me nentitullin "Kërkues i apasionuar shkencorë" është vendosur nga redaksia.