 |
| Alketa Maksuti Beqari |
1. Nudo
Sot dua të tregoj për të dielat e mia. Takimet me miken time. Ti ke gjithë këto ditë që je në bashkëbisedim me mua. Më saktë ishte dëshira tënde të mësoje më shumë për lidhjen tonë, mikeshën time dhe mua. Këto kohë nuk kam dashur të shkruaj, më tepër argëtohem duke parë filma që më bëjnë për të qeshur. Dua të qesh. Po le të kthehemi tek të dielat që kaloja me miken time të dashur.
Pse nuk e quani të dashurën tuaj? - e pyes.
Termi e dashur është më i fuqishëm shpirtërisht. - ma kthen ai. Ne kishim një lidhje që plotësonim njëri - tjetrin me ndjesitë përkatëse si natyra na krijoj, por shkonim edhe pak më tej duke ndarë copëza nga jetët tona aq sa donim. Mund të rrinim tërë javën pa i telefonuar njëri - tjetrit, por të dielën ose ajo, ose unë telefononim për t'u takuar. E diela mbasdite ishte e jona. - vazhdoj shpjegimin ai. - Për këtë më tërhiqte më shumë. Ne ishim të lirë, pa detyrime për të treguar ngjarjet e përditshme. Sa herë vinte, vinte me mall drejt meje, e kuptoja nga sytë e saj, ishin të qeshur, ndjehej e lumtur. Kështu ishte edhe për mua, por asnjëherë nuk ia shfaqa ndjesitë e mia. Isha më i rezervuar. Gabim kam bërë.
Ku është ajo? - e pyeta kurioze si natyra ime është.
Nuk e di. Nuk jam interesuar ta kërkoj. Ndoshta do vij prapë, ndoshta.......- foli ai me zë mallëngjyes.
Keni ndonjë foto bashkë? - e pyeta prapë me kureshtjen time.
Foto?! - tha pak i habitur. Ah, jo, asnjë foto bashkë. Por kam një foto të saj nudo. Më kërkoj t'i realizoja foto nudo. Ishte e paparashikuar në çfarë kërkonte ndaj vetes. Më kujtohet fare mirë ajo ditë. Ishte mëngjes. Unë zakonisht pi kafen e mëngjesit herët tek lokali i lagjes. E lashë në gjumë. Madje më pëlqente kur e mbuloja trupin e saj me çarçaf ose jorgan si të ishte stina. Kishte një trup të bukur, një simetri të linjave dhe formave. Si po ju tregoj pas kafes u ngjita në shtëpi. Ajo ishte zgjuar dhe po lexonte, si gjithmonë. U ngrit rrëmbimthi nga krevati, më puthi dhe më kërkoj ti realizoja foto nudo. Megjithëse rrinte me mua në shtrat zhveshur, prapë në momentet kur e fotografoja ajo mbante ndrojtjen femërore, fshihte pjesët intime të saj, kishte turp. Kjo më pëlqeu.
Unë shkrepja dhe shkrepja me gishtin mbi aparat duke fragmentuar lëvizjet e trupit të saj. E admiroja për guximin. Kemi qëndruar dy vite bashkë. Kujtimet rënditin çastet kur bënim dashuri. Më pëlqente si bënte dashuri. Sa qetësisht, aq vrullshëm!
Nga xhepi i xhaketës së vjeshtës, ai nxjerr protofolin. E hap. Nga xhepi i protofolit tërheq një foto. Zgjat dorën drejt meje. Ishte një grua me durat lart tek flokët të cilat i kishte ngritur lart si për ti kapur bisht. Gjoksi i fshihej nga gjunjtë e mbledhur. Ishte e qeshur. Ia ktheva foton. Ai e mori në duar, e mbajti disa çaste në dorë duke e shikuar. Më pas e futi sërish tek xhepi i protofolit, të cilin e futi tek xhepi i brendshëm i xhaketës së vjeshtës.
2. Datëlindja
Këtë herë u takuam të premte, ndryshe nga programi i përhershëm.
Kishte datëlindjen, gjithashtu kishim edhe një vjetorin e njohjes. Dy festa.
Kisha rezervuar një tavolinë në ambjentet me muzikë live pranë qëndrës. Duke ditur se sa e adhuron muzikën nuk mund të shmangia dëshirën e saj.
I shkrova dhe i lashë takim tek stacioni i autobusit, aty ku ishim takuar edhe herën e parë.
Këtë herë jam një vit më e rritur, më shkroi, di të kujdesem më shumë për veten. Gjithashtu di të bëj më bukur dashuri. Gjithmonë e dija që Arti i të bërit dashuri do edhe partnerin që të përputhet ADN. Si duket zinxhiri i ADN - së time plotësohet në lidhjet e dyfishta nga ti.
Normal që qesha kur lexova filozofinë e saj.
Koha kaloj shumë shpejt dhe në mbrëmje vonë, afër mesnatës u takuam tek stacioni i autobusit.
Kur u afrua i pashë një kurrorë me lule natyrale të vendosur në kokë.
Tashmë isha mësuar me natyrën e saj. Veshjet, stilin e të veshurit më saktë, kapriçiot.
Sa më puthi në buzë, më pyeti: - Të pëlqen kurrora ime?
Po- ia ktheva. Dukesh bukur, të shkon.
Ecëm drejt qëndrës, tek ambjentet e muzikës live.
Sa hymë brenda e ndjeu tingujt e muzikës nisi të luante supet.
Nuk i rezistoj dot muzikës, duket sikur kam lindur me të - më tha tek veshi dhe mbështeti kokën tek supi im me përkëdheli.
Zbritëm shkallët dhe hymë në sallën e arenduar me tavolina e karrige në hapësira që mundësonin të kërceje pa pengesë.
Të shoqëruar nga pronaria e lokalit, u ulëm në tavolina e rezervuar për ne.
Porosita birra për të dy.
Pas disa minutash filloj muzika.
Muzika- Ajo, Ajo - Muzika.
Ndërsa ishte nën ritëm të saj, i shkova dorën tek beli. E përkëdhela. Ndjesia iu rrit aq shumë sa trupi iu ngjit tek i imi trup dhe puthjet tona u shtuan.
Ikim! - më tha- Dua të jem me ty, vetëm me ty. Po të ndjej në gjithë qënien time. Ikim!
Porosita taksinë.
3. Kërthiza
Ajo çelte, lulëzonte, ishte vet pranvera për mua.
Të dielat që kalonim të dy ishin të diela flladitëse, bulëzimi, shpërthyese.
Ishte mes prilli.
U takuam si gjithmonë.
U puthëm dhe përqafuam tek vendi i takimit.
Rastësisht dora ime preku tek pjesa e barkut, në kërthiza e saj. Ndjeva si muskujt u tendosën, një ndjeshmëri që u pasqyrua tek sytë tanë.
Puthjet tona u bënë më të ëmbla.
Dua të jemi sa më parë tek strehëza e dashurisë, zemër- i pëshpërita tek veshi- t'i ndjej si rrahin e pulsojnë muskujt rreth kërthizës, mezi po duroj.
E mora para vetes në biçikletë dhe pedalova nxitimthi.
Mirë që ishim afër me banesën.
Ajo zbriti nga biçikleta unë isha ende ulur. U afrua, u puthit me trupin tek unë. I vura dorën tek kërthiza, e fërkova ngadalë. Nxehtësia ishte rritur tek trupat. Ishim kthyer energji.
Kaq shumë të merr malli për mua? - e pyeta me frymën e shpeshtuar.
Duke më puthur ma ktheu: - Po.
Hymë brenda pa ndalur përkëdheliet.
E ula tek komoja e korridorit.
Kërthizën ia puthja dhe ndjeja tek buzët e mia valën e nxehtë.
Ajo më puthte kokën.
Dhe përkëdhelte trupin tim.
E mora tek krahet dhe e lëshova butësisht mbi krevat.
Shkova tek bufeja dhe mora nje shishe verë.
E kisha blerë në Francë.
E hapa dhe e pikëzova brenda kërthizëz.
Muskujt i lëviznin, ndjenë ftohtësinë e lëngut.
Vura buzët tek vera.
Po pija.
Trupi i saj ishte në gjendjen më të lartë, i eterizuar.
4. Biçikleta
Mund të më japësh edhe mua bukë? - i foli një zë burri - Kështu i ushqejmë të dy rosat- vazhdoj ai pa marr përgjigjen e saj. Ajo i buzëqeshi. Hapi qesen ku kishte bukërat e mbledhura për to. Ai mori disa feta buke të thata. I coptoj dhe i hodhi në ujë. Rosat ishin mbledhur para tyre. Ushqimi ishte i pandërprerë. Një herë iu hidhte ai, një herë ajo. Qesja u boshatis. Ai foli:
Ke makinë?
Jo, eci në këmbë.
E ke shtëpinë larg?
Jo shumë, nuk e kam problem. Eci në këmbë.
Unë kam biçikletë. Eja tè të çoj deri te shtëpia, kështu të falenderoj që më lejove të ushqejmë rosat.
Ajo e pa në sy. Kishte sy të bukur, plot energji, të ndritshëm. Ishte i qeshur. Tek ai gjendej qetësia.
Ajo tundi kokën në shenjë pohimi.
U ul para tij. Vendosi duart para timonit.
Gati?- e pyeti ai.
Gati!
Është hera e parë që shëtis me biçikletë - i tha ajo. - Është bukur!
Nëse dëshiron ne mund të takohemi prapë - i sugjeroj ai - kështu mund të shëtisim me biçikletë.
Ndjehem kaq e gëzuar, era që më rreh fytyrën, mënyra si i parakalon makinat dhe duket sikur iu thua: Më mjafton pak vend dhe kaloj. Do ma mësosh edhe mua biçikletën? - mbylli të folurën ajo.
Patjetër, do ta mësoj. Ne do takohemi dhe mund të gjejmë një shesh. Patjetër. - pohoi ai.
Tani kemi një të përpjetë. Po rrit shpejtësinë që të ngjitemi. - iu shpjegua ai më pas.
Po zbres, mos u mundo! - foli ajo
Kjo është shumë e lehtë për mua. - i tha zëri i tij i prerë.
Për herë të parë ajo ktheu kokën dhe sytë e tyre u kryqëzuan. Buzët e saj ishin pothuaj ngjitur me fytyrën e tij. U ndje aq mirë nga fjalët që i tha. U mat ta puthte.
Ai ndaloj biçikletën.
Çfarë ka? - pyeti ajo.
Nise diçka, çoje deri në fund. Pse u stepe?
Ndjeu të skuqej në fytyrë.
Ai i mori kokën mes pëllëmbëve dhe e puthi. Kaluan duart rreth qafës dhe puthja zgjati me minuta.
Si u ndjeve? Ishte bukur? - e pyeti pa ia ndarë shikimin ai.
Ëhë, shumë!
Kur të takohemi sërish, do të mësoj biçikletën dhe në çdo xhiro ke një puthje- i tha duke qeshur.
Pranoj- pohoj ajo dhe me kast e ktheu kokën prapë dhe buzët e tyre u takuan.
Këtë herë edhe më e mirë puthja - i foli ëmbëlsisht zëri i saj.
5. E dehura
Tek Club- i sa hyra iu afrova banakut dhe u ula tek stolat ngjitur me të.
Dua pijen më të fortë që mbani, ju lutem- i thashë banakieres.
Madje që të mos iu lodh, më sillni shishen dhe gotën- shtova fjalët.
Urdhëroni! - u drejtua ajo bashkë me shishen dhe gotën përkatëse sipas pijes.
E mbusha gotën jo me elegancë si pija servirej, por deri tek buza. Kisha vendosur të dehesha. E ktheva gotën me eks.
Banakieria u habit pak, por nuk guxoj të fliste, ishte zgjedhja ime.
Sërish gotën e mbusha buzë më buzë. Madje sumbullat nga pija e fortë ishin lidhur fort me njëra - tjetrën. Ishin në sfidë me mua. Me eks edhe gotën e dytë.
Muzika ishte një tango.
E treta gotë ishte pirë me eks prapë nga unë dhe për çudi isha normale.
Shishja shkoj tek çereku i saj.
Tango më shoqëronte në dehjen time.
Trupin e kisha në ethe.
Nëse vazhdoni me këtë ritëm do ngatërroni shtëpinë - më foli zëri i një burri. Kur shpirti vuan nuk dehesh, por humbet arsyen- vazhdoj ai.
Doni t' ju shoqëroj? - më pyeti me xhentilesë.
I hodha një shikim duke i treguar që po më prish planin.
Vallzojmë? - pyeti prapë.
Tango, po e dua - ia ktheva.
Lëvizjet tona gjatë vallëzimit të tangos ishin harmonike sikur të kishim vallzuar prej vitesh bashkë.
Tangon e mbyllëm me harkimin e trupit tim në krahët e tij.
Më shoqëroj tek banaku, vendi ku isha ulur. Më falenderoj. Mundem të të shoqëroj në pije? - pyeti.
Dua të dehem e vetme - i pohova.
Buzëqeshi dhe u largua.
Gota katër, gota pesë, gota gjashtë......
U zgjova dhe isha në tjetër krevat, jo tek shtëpia ime.
U ngrita rrëmbimthi dhe iu drejtova dritares.
Lulet në oborr ishin të të gjitha ngjyrave. Më përtej lëndinë e mbuluar me lule dele.
Fshiva sytë. Ndoshta isha në ëndërr.
Trokiti dera.
Hyr! - fola.
Një grua tej të gjashtëdhjetave me tabaka në dorë më tha mirëmëngjes dhe më dorëzoj një letër.
Shkruante:
" Nëse dehjet tënde do të jenë të tilla, dua të jem shoqëruesi yt i çdo nate dehëse"
U skuqa në fytyrë.
Zonja doli jashtë dhome.
Nuk mbaja mend asgjë.
Hodha sytë mbi trupin tim.
Isha e veshur.
Keine Kommentare:
Kommentar veröffentlichen